O día 10 de decembro celébrase o día dos Dereitos Humanos e dende a asociación TADEGa (http://www.tadega.net/) fannos unha proposta conxunta, gratuíta, sinxela e lúdica: que o día 10 de decembro amosemos nas vosas aulas o conto: Xandre, o elefante sen sombra. "Un conto adaptado, accesible e usable, para espertar en cada un de nós a necesidade da presencia de todas as persoas con ou sen discapacidades". O conto e as actividades están tanto en galego como en castelán, en lingua de señas, con pictogramas, co texto lido en audio, con texto escrito..., en definitiva: integrando todos os sistemas de comunicación para que ninguén quede excluído. Acompáñase ademais dunha serie ampla de actividades didácticas, dixitais, interactivas e multimedia para facer no ordenador ou no encerado dixital.
Premer na imaxe para acceder ao conto e ás actividades.
