"MERGÚLLATE NA LECTURA"

CONTACONTOS KALANDRAKA

2012-02-08T21:55:00.002+01:00

O ALUMNADO DE PRIMEIRO ASISTE, NA NOSA BIBLIOTECA, A UNHA SESIÓN DE CONTACONTOS DA EDITORIAL KALANDRAKA

Esta semana tivemos, en primeiro, unha sesión de contacontos da editorial Kalandraka, con dous protagonistas: Patricia e Alex.
Alex é músico e toca moi ben o acordeón. Patricia é a encargada de cantar e de contar os contos.

Ámbolos dous fixeron unha animación con tres contos: "Mago de goma", "A familia C" e "Pancho".

- Foi moi divertido porque escoitamos e cantamos - comentaron os nenos.

- Foi unha viaxe fantástica chea de música e palabras - dixeron as profes.

DIA DA PAZ

2012-01-30T09:36:00.010+01:00

Hoxe, día 30 de xaneiro, data do aniversario da morte de Mahatma Gandhi (1869-1948), celébrase o "Día escolar da non violencia e da Paz" (DENIP) e nesta data o proxecto "Coñecernos para querernos" que estamos a levar a cabo cos rapaces e rapazas dos campamentos de refuxiados sahararuis en Tinduf fainos sentir, se cabe, máis preto de todos aqueles que como eles están a ser vítimas desas guerras esquecidas, eses conflitos ignorados pola comunidade internacional.

Cando eliximos este título para o noso proxecto, fixémolo convencidos do que ese "lema" significaba, fixémolo con plena conciencia do noso obxectivo principal, coñecer a quen está a loitar polos seus dereitos e, na medida das nosas posibilidades, loitar para que eses dereitos algún día, non moi lonxano, sexan recoñecidos e ese exilio ao que levan sometidos 35 anos cese dunha vez e consigan alcanzar un acordo definitivo de paz que permita a libre determinación do pobo saharaui.

E para que nos vaiamos coñecendo velaí tedes "101 imaxes, 101 abrazos para coñecernos, para aprender a querernos" chegados dende Smara para tod@s nós, para tod@s vós.

Hoxe, día da Non Violencia e a Paz, as bibliotecas escolares do Plambe-Ferrolterra implicados, a través do Bubisher, neste fermoso proxecto "Coñecernos para querernos" queremos berrar alto e forte "Deámoslle unha oportunidade á Paz"

CONTOS PARA VER E LER

2012-01-28T20:20:00.001+01:00

Mergullando, mergullando pola rede atopamos este blog no que hai numerosos contos para ver e ler

A BIBLIOTECA ESCOLAR COMO FERRAMENTA EDUCATIVA

2012-01-22T13:01:00.002+01:00

Estupenda web sobre a biblioteca escolar, un bo recurso para o desenvolvemento das prácticas lectoras e habilidades intelectuais, con ligazóns a diferentes apartados: biblioteca escolar, recurso educativo, a biblioteca escolar en acción, biblioteca escolar e lectura, biblioteca escolar e c. informacional, e biblioteca escolar e cultura digital.

TICambia: aprender sobre a Paz e Solidaridade

2012-01-20T21:37:00.000+01:00

É un espacio educativo e colaborativo creado co obxectivo de transformar a información en coñecemento e, para iso, ofrece recursos didácticos tendo en conta cinco eixos temáticos: desenvolvemento e loita contra a pobreza, dereitos humanos e Paz, igualdade de xénero, sostenibilidade ambiental e diversidade cultural.

Dirixido a educadores/as, xóvenes, nenos e público en xeral, TICambia conta cunha guía de recursos didácticos, un manual de uso das TIC e diversos itinerarios educativos, utilizando material audiovisual, textos e imaxes especialmente seleccionados polo seu contido e creatividade.

Para acceder hai que premer na imaxe.

SEMINARIO GALEGO DE EDUCACIÓN POLA PAZ

2012-01-19T19:14:00.000+01:00

Como ven sendo habitual desde hai xa 26 anos (1985), o Seminario Galego de Educación para a Paz ven promovendo, nas aulas e na vida, a celebración do DÍA ESCOLAR DA NONVIOLENCIA E A PAZ, cada 30 de Xaneiro, data na que se lembra o cabodano do asasinato de Mahatma Gandhi.

Nesta ocasión, no 64 Aniversario da morte de Gandhi (1948-2012), o Seminario Galego de Educación para a Paz, por medio da súa web: http://www.sgep.org/ ofrece a todo o profesorado, moi diversos materiais e recursos didácticos que poden baixarse gratuítamente da rede e cos que preparar a citada celebración. Entre outros, por exemplo, un documento de José Tuvilla, en galego, titulado: A construción social e educativa da cidadanía: dereitos humanos e cultura de paz con distintas propostas didácticas; unha moi vistosa campaña denominada "Paraugas pola Paz" coa que o alumnado pinta e decora paraugas que logo expón ou colga por pasillos e corredores, realiza unha marcha, etc, con lemas e cores pacifistas; varias Unidades Didácticas sobre distintos contidos da educación para a paz como "Educar nos afectos, frear a violencia"; diferentes recursos e materiais sobre "Conflictividade e Convivencia Escolar"; ou unha reflexión teórica titulada "La educación, la cultura de la paz y los derechos humanos: El currículum de la noviolencia" elaborada polo Presidente do SGEP, Manuel Dios Diz.

Ademais dos recursos citados, na web do Seminario, pódese acceder, tamén, a varios audiovisuais como "En son de Paz"; "Cultura de Paz" ou á curta de ficción "Por nada" sobre o ciberacoso.

Por último, o Seminario Galego de Educación para a Paz, o propio día 30 de Xaneiro, luns, organiza dous actos relevantes, un pola mañán, ás 12:00 horas do mediodía, con alumnado da comarca padroesa, na Horta da Paz da Casa de Rosalía de Castro, e outro pola tarde, ás 19:00 horas, no Auditorio da Cidade da Cultura de Galicia, a Cerimonia de entrega do PREMIO PORTAPAZ 2011 a D. Paul Ríos, voceiro de Lokarri, Rede Cidadá polo Acordo, a Consulta e a Reconciliación de Euskadi, polo seu papel (e o da súa entidade) na organización da Conferencia de Paz de Aiete que dou paso ó final definitivo das accións armadas de ETA.

COÑECERNOS PARA QUERERNOS

2012-01-18T21:55:00.000+01:00

O noso centro, a través da biblioteca, está integrado nun proxecto de intercambio e colaboración cos nenos e nenas do campamento de refuxiados de Smara, no Sáhara.

Para que os coñezamos enviáronnos unhas preciosas fotos nas que nos achegan ao lugar onde viven e na que nos mostran cheos de entusiasmo o BUBISHER e o seu niño.

O BUBISHER é un paxaro do Sáhara que é presaxio de boa sorte porque anuncia chuvias. Por esa connotación tan positiva é polo que tamén lle chaman así a un camión cheo de libros, contos e diverso material didáctico que chega ao seu campamento regularmente. Nas fotos móstrannos tamén a construcción do niño do BUBISHER, unha biblioteca coa que están moi ilusionados.

Esta é a presentación coas fotografías que nos mandaron os nosos amigos do Sáhara.

RECURSOS PARA A PAZ

2012-01-15T21:58:00.000+01:00

Premendo na imaxe accédese á nosa web onde pódese atopar unha recompilación de recursos para a Paz.

IRENE EN EL SAHARA

2012-01-15T21:39:00.001+01:00

Irene en el Sahara é o segundo conto dunha serie creada por ONG Internacional de Solidariedade, a primeira é titulada "Irene en América Central" - nunha campaña de educación intercultural para primaria.

Como é a vida no deserto? O que un campo de refuxiados? Cal é a razón pola que os nenos saharauis non poden vivir no seu país?

Na historia, Irene ten un amigo Subsahariano Gali, ao que coñecue porque foi acollido por unha familia española hai tempo.

Ao final da historia hai moitas actividades para traballar en el aula, enigmas, sopa de letras do Sahara, un labirinto, e un espazo de orientación para profesores ou os pais que queren impulsar aos seus fill@ s cun pouco de reflexión sobre solidariedade.

É un conto moi recomendado para conmemorar o día da Paz.

Premer na imaxe para ler o conto.

CANCIÓN PARA A PAZ

2012-01-14T23:15:00.000+01:00

Este ano a nosa canción elixida para a Paz e "EL HIMNO A LA ALEGRÍA" de Miguel Ríos.

Podedes disfrutar dela e cantala coa axuda destes videos

Na nosa web atoparedes a letra da canción

Música para a PAZ

2012-01-09T04:18:00.000+01:00

Como supoño que estades a organizar a conmemoración do día da Paz, ahí vos deixo unha pequena recopilación de cantigas coa temática da PAZ. Para que empece soar tedes que premer na frecha.

ASÍ FELICITA O NADAL O NOSO ALUMNADO

2011-12-18T19:38:00.002+01:00

Nesta presentación podemos atopar unha selección de postais de Nadal realizadas polo noso alumnado.

Elixiuse unha postal por clase e unha por ciclo.

Premede na presentación e poderedes ver as postais.

NOVA EDICIÓN DA NOSA REVISTA ESCOLAR "MAREIRIÑA"

2011-12-17T13:06:00.001+01:00

O grupo da Biblioteca, en colaboración co grupo das TICs, editou un novo número da nosa revista escolar, MAREIRIÑA NADAL 2011, no que podemos atopar información sobre o noso proxecto da biblioteca, novas máis importantes do noso centro, celebración do Magosto, postais de Nadal...

GUÍA DE LECTURA NADAL 2011

2011-12-16T21:31:00.000+01:00

Outro ano máis chegamos ao Nadal e é tempo de lembrar que:

"En Nadal, o mellor regalo, un libro"

Lembrando isto e tendo en conta o noso proxecto da Biblioteca que traballa "o respecto aos nosos maiores" editamos unha nova guía para o Nadal

AGUSTÍN FERNÁNDEZ PAZ RECIBE EL PREMIO IBEROAMÉRICANO SM

2011-12-14T20:25:00.000+01:00

O escritor galego, Agustín Fernández Paz, que gañou o premio americano de Literatura para Nenos e Mozos concedida polo grupo editorial español SM, recibió el galardón na Feria do Libro da cidade de "Guadalajara", ao oeste de México.

O premio foi dado ao autor pola súa obra "O único que queda é o amor", un texto escrito en galego, que aborda a cuestión das paixóns e ruptura, dun xeito non convencional na literatura infantil.

DOSSIER DE ACTIVIDADES DIDÁCTICAS SOBRE O APALPADOR

2011-12-13T22:46:00.000+01:00

A Fundación Artabria de Ferrol envíanos un dossier de actividades didácticas con debuxos, máscara, monicreque, adorno para árbore de Nadal, postal, recortable....e máis actividades sobre a figura do Apalpador.

Pódese descargar premendo na imaxe....

LIBROS DE LECTURA PARA O NADAL

2011-12-13T20:23:00.000+01:00

Estes e outros libros para o Nadal poderás atopalos na nosa biblioteca.

Queres saber todos os libros para o Nadal que hai na nosa biblioteca?
Preme na imaxe e o saberás

RECURSOS PARA NADAL

2011-12-12T18:16:00.000+01:00

Na nosa web temos unha recompilación de recursos para o Nadal nos que poderedes atopar: panxoliñas, contos de nadal na rede, manualidades para o Nadal...

Premede na imaxe e accederedes a eles.

COLABORAMOS CO BUBISHER

2011-12-10T22:36:00.006+01:00

A Biblioteca do noso centro, o CEIP Isaac Peral, dentro do proxecto "Coñecernos para querenos", colabora co Bubisher (autobús-biblioteca que circula entre os nenos e nenas do Sáhara) co libro titulado "EL CORAZÓN Y LA BOTELLA" de Oliver Jeffers un libro que trata o tema do loito:

"A nena e a figura do pai son separadas, deixando unha cadeira baleira tras a partida do avó ou pai. Ela para non sentir esa gran dor que produce a súa perda, decide poñer o seu corazón seguro dentro da botella...."

AQUI PODEDES VER UNHA ADAPTACIÓN DESDE CONTO

10 DE DECEMBRO: DÍA DOS DEREITOS HUMANOS

2011-12-10T14:59:00.013+01:00

63 anos despois da súa proclamación,segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

Necesario porque nin tan sequera nos países que asinaron esta declaración están garantidos estes dereitos en igualdadede condicións para toda a poboación. Non hai máis que botar unha ollada ao noso arredor, asomarse ás noticias.

Mais aínda así cabe pensar que un outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma"Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niñodo Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: "Tod@s nacemos libres e iguais en dignidade e dereitos".

* O bubisher

(Oenanthe leucopyga e Oenanthe leucura) é un paxa

riño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio...pero con rodas!!!

Se queredes unirvos á iniciativa de Álbumes para o Bubisher, só tedes que poñer os vosos datos xunto ao resto das Bibles Galegas.

Música e DDHH

Texto de Maribel Serantes (CEIP Os Casais)

Imaxe atopada aquí

AS MOCHILAS VIAXEIRAS COMEZAN A SÚA ANDAINA

2011-10-14T19:45:00.004+02:00

Por fin, este xoves as nosas mochilas viaxeiras comezan outro ano a súa andaina. De cada aula, dous alumnos viñeron á biblioteca a recoller a súa mochila chea de ilusión e fantasía: contos, libros de adultos, cds/dvd...e por suposto un caderno viaxeiro onde as familias poden escribir as súas opinións....

Aproveitade e que teñades felices lecturas!

COMEZA O COLE...

2011-10-03T21:08:00.000+02:00

Outra novidade preséntanos a editorial OQO "O que ten que aprender un cempés que queira ser sabio como Perico" moi axeitado para o comezo de curso.

O primeiro día de colexio é sempre un momento importante para os máis pequenos, unha nova aventura na que se combina a expectación, o nerviosismo, o afán por descubrir tantas cousas novas... Nesta historia, Perico está ansioso por aprender, pero non é que de organizarse (vestirse, lavarse, calzarse...) para chegar a tempo á escola.

"Perico estaba nervioso porque ía ir á escola por primeira vez. Ao cantar o galo, saltou da cama e, un por un, calzou os cen zapatos, puxo o chapeu, colocou as lentes, e saíu correndo. Pero... ai! chegou tan tarde que xa se foran todos. E isto non lle pode pasar a un cempés que queira ser sabio!"

CHAT LITERARIO

2011-10-02T21:24:00.001+02:00

Este Chat Literario permite ler unha obra de teatro on-line como se participaramos nun chat. É unha maneira orixinal de actualizar a presentación da lectura dos clásicos.

Pódese regular a velocidade lectora.

SEMANA MUNDIAL DA LACTANCIA MATERNA

2011-09-28T21:23:00.002+02:00

Na Semana Mundial da Lactancia Materna, que se celebra do 2 ao 9 de outubro, la editorial OQO preséntanos o seu libro MAXIA! de Charo Pita e Madalena Matoso.

Este conto incide na normalización da lactación que aparece contextualizada como una parte da vida dos nenos, das súas familias e da sociedade.

De súpeto, o bebé botouse a chorar. Óscar arrolouno, colleuno no colo…pero non acougaba. Cantoulle unha nana, paseouno pola casa…Non serviu para nada! Entón Óscar pensou: Este bebé ten fame…Buscou pola cociña, pero a neveira estaba baleira....

......

E, mirando a compra con curiosidade, pensou: Que traerá para que coma o bebé?

Tía Elisa deixou as bolsas, sentou no sofá e colleu o bebé, que non paraba de chorar. Despois desabotoou a blusa. Entón, o bebé quedou calado e empezou a comer.

—MAXIA! –dixo o avó

CONTOS SOLIDARIOS

2011-09-10T21:56:00.000+02:00

Páxina onde podemos atopar os contos solidarios, contos para construir un mundo mellor!

Para acceder hai que premer na imaxe.

GRAVACIÓN DA NOSA BIBLIOTECA

2011-06-23T19:07:00.001+02:00

Co fin de contar cun documento audiovisual que represente o traballo levado a cabo nos últimos anos polas bibliotecas escolares galegas, a Consellería vai elaborar un vídeo que será a carta de presentación das nosas bibliotecas. De todas elas, escolléronse algunhas, entre elas a nosa. Aquí tedes un vídeo representativo do momento que que viñeron filmar a nosa biblioteca....

ARMA CONTOS

2011-06-06T21:22:00.002+02:00

Aplicación interactiva en liña que permite crear contos personalizados en forma de pequenas películas de animación por medio da selección de personaxes e accións.
Premer na imaxe para acceder.

PANCHO E A SÚA MÁQUINA DE FACER CONTOS

2011-06-05T22:11:00.000+02:00

Premendo na imaxe accédese a unha aplicación que permite crear historias cun máximo de 6 escenas, elixir os personaxes e engadir o texto. O resultado é un conto para ler online.

1 DE XUÑO, DÍA INTERNACIONAL DO NENO

2011-05-31T22:27:00.004+02:00

En pleno século XXI, moitos nenos continúan a ser vítimas inocentes da explotación infantil, dos conflitos armados ou das enfermidades que se curan facilmente nos países desenvolvidos.

"O futuro dos nenos é sempre hoxe, mañá será tarde"

Con estas frases de Gabriela Mistral queremos lembrar nesta data o moito que queda por facer na conquista dunha infancia chea de sorrisos, ilusións e aprendizaxe en calquera parte do planeta.

Para conmemorar esta data a editorial OQO recoméndanos os seguintes libros:

"FUME" Antón Fortes - Joanna Concejo

"Á SOMBRA DOS ANACARDIOS" Antón Fortes - Simona Mulazzani

"CAIXA DE CARTÓN" Txabi Arnal - Hassan Amekan

"COBERTOR DE ESTRELAS" Ricardo Lísias - Itziar Ezquieta

CONCURSO DE POESÍA E IMAXE

2011-05-19T15:53:00.002+02:00

Un ano máis a Coordenadora de Equipas de Normalización Lingüística convocou o Concurso de Poesía e Imaxe " En galego, sen filtro". Este concurso consiste en ilustrar un poema ou parte dun poema escrito en outras linguas (inglés, árabe, ruso...) e traducido ao galego. O noso centro participou a nivel do 2º e 3º ciclo de E. Primaria. As bases do concurso fixan que non se poder presentar máis dun debuxo por nivel e con bastante dificultade para decidirnos en cales enviar escolléronse dous: MANUEL PEREIRA SUEIRO de 3º e MARTA CASTRO ROMANI de 6º. A gran noticia é que ambolos dous foron premiados.

Aquí tedes as imaxes do acto de entrega dos premios:

Noraboa a Manolo e Marta!!!

PREMIOS NACIONAIS DE EDICIÓN

2011-05-18T15:45:00.000+02:00

“Miguel Hernández, 25 poemas ilustrados” e “Dióxenes”, editados por KALANDRAKA, veñen de ser distinguidos polo Ministerio de Cultura con cadanseu terceiro Premio Nacional de Edición nas categorías de Libro de Arte e de Libro Infantil, respectivamente. Os títulos galardoados foron escollidos entre 318 obras. Trátase de publicacións creadas integramente por KALANDRAKA, e producidas no sector das artes gráficas de Galicia.

Premer na imaxe para ter máis información das dúas obras

"LINGUA MINORITARIA"

2011-05-17T19:41:00.000+02:00

É o galego unha lingua minoritaria?

No mundo hai unhas 5000 linguas, en que lugar situarías ti o galego?

Neste día das nosas letras, o día das Letras Galegas, nada mellor que este vídeo tan significativo.

LETRAS GALEGAS 2011 - LOIS PEREIRO

2011-05-17T14:59:00.001+02:00

Premendo na imaxe accedese á nosa web onde se pode atopar unha recompilación de información e actividades sobre as letras Galegas, e en concreto, sobre a figura á que vai adicada este ano o día das Letras Galegas: Lois Pereiro.

SALVANDO LIBROS

2011-05-17T14:58:00.000+02:00

SALVANDO LIBROS

Que libro salvarías ti?

Esta exposición xorde dun traballo colaborativo entre 96 bibliotecas escolares galegas e pretende ser unha chamada de atención sobre a importancia de apreciar, coidar e manter o noso patrimonio cultural escrito.

Pretendemos difundir a idea de que é imposible destruír os libros e os valores que neles se transmiten se somos quen de conseguir que formen parte de nós para sempre.

Maio 2011

Queremos dar moi especialmente as grazas a Jaime Eizaguirre Santillán, ex-alumno do IES Sánchez Cantón, que unha vez máis deseñou estes carteis tan fermosos para facer posible a actividade.

Podedes ver o perfil de Jaime, arquitecto e debuxante, aquí

e algunhas das interesantes cousas que fai aqui

e tamén aquí….

Grazas de novo, Jaime, pola túa xenerosidade

Moitísimos libros están a ser salvados nas nosas bibliotecas, que organizan as súas propias exposicións e actos.

Esta é só unha pequena escolma dos que representan a cada un dos centros que participaron na actividade.

Salvar un libro consiste en aprender de memoria un pequeno fragmento para simbolizar a asimilación de todo o seu contido. Entón xa seremos unha persoa-libro e poderemos preservalo para sempre.

A idea está baseada na obra de Ray Bradbury “Fahrenheit 451”.

Esta é a escolma de libros que representan aos centros de Educación Infantil

Esta é a escolma de libros que representan aos centros de Educación Primaria

Esta é a escolma de libros que representan aos centros de Ensino Secundario e algúns persoeiros relacionados co mundo das letras e a cultura

ESTA ACTIVIDADE FOI COORDINADA DESDE AS BIBLIOTECAS ESCOLARES:

IES LUIS SEOANE DE PONTEVEDRA

ESCOLA UNITARIA DE VIDE

17 DE MAIO, DÍA DE INTERNET

2011-05-16T10:43:00.001+02:00

Cada ano o 17 de maio, a Unión Internacional de Telecomunicacións celebra o día mundial das Telecomunicacións que conmemora a fundación da organización en París en 1865.

E ademais, a comunidade internauta liderada pola Asociación de Usuarios de Internet (AUI) desde o 17 de maio de 2006 convoca o "Día de Internet" en España para promocionar o uso da rede e a Sociedade da Información. O obxectivo da celebración do "Día de Internet" é promover o uso desta vía de comunicación, mediante un papel máis activo nesa tarefa de convencer por parte das persoas máis próximas como son a familia, a escola ou a Universidade.

Premendo na imaxe accederemos a unha serie de lecturas relacionadas coa conmemoración desta data.

SEGU KIGS, XUNTOS NA REDE

2011-05-14T14:58:00.000+02:00

Premendo na imaxe accédese á páxina web segu Kids sitio que ofrece consellos e materiais para os pais, alumnos e profesores para contribuír a unha navegación segura na web.

O seu obxectivo é sensibilizar dos moitos riscos de Internet e, sobre todo, cales son as mellores formas de prevención e protección, facendo uso responsable das tecnoloxías existentes.

O sitio está dividido en tres seccións distintas: os mozos, pais e profesores.

BIBLIOTECA DIXITAL MUNDIAL

2011-05-04T16:19:00.000+02:00

Premendo na imaxe accederase á Biblioteca Dixital Mundial unha web que reúne mapas, textos, fotos, películas... de todos os tempos e explica en sete idiomas as xoias culturais das bibliotecas do planeta.

Cada xoia da cultura universal aparece acompañada dunha breve explicación do seu contido e o seu significado. Os documentos foron escaneados e incorporados no seu idioma orixinal, pero as explicacións aparecen en sete linguas, entre elas, o español.

A biblioteca comeza cuns 1200 documentos, pero foi pensada para recibir un número ilimitado de textos, gravados, mapas, fotografías e ilustracións.

Cun simple clic pódense pasar as páxinas dun libro, acercar ou alonxar textos e movelos en todos os sentidos. A excelente definición das imaxes permite unha lectura cómoda e minuciosa.

En resumo, unha verdaderia xoia!

"DE AQUI NON PASAS". AS REDES SOCIAIS

2011-04-30T22:04:00.000+02:00

CADA REDE SOCIAL É UN MUNDO. ACCEDE PREMENDO NA IMAXE E SABERÁS COMO COIDARTE DE TODAS ELAS.

¡Infórmate, non o dubides!

Coidarte en Internet é moi sinxelo. Só tes que aplicar a lóxica que utilizas na túa vida e axustar a privacidade nas Redes Sociais ás que te conectas.
Así que ten sempre presente que ...
SE NON O FAS NA TÚA VIDA NORMAL... PORQUE O FAS EN INTERNET?

NAVEGA TRANKI

2011-04-30T21:41:00.000+02:00

Canto sabes de Internet? Necesitas consello? Que debes facer se te sentes acosado? Esta e moita información máis podemos atopala en "NAVEGA TRANKI" a web da Fundación Bip Bip para vós. Pódese acceder a ela premendo na imaxe.

LETRAS GALEGAS 2011

2011-04-26T22:51:00.002+02:00

A Coordinadora Galega de ENDL pon á disposición da comunidade educativa unha páxina web que contén recursos didácticos para traballar no Día das Letras Galegas 2011.

Nesa páxina poñemos atopar un monográfico especial dedicado á figura e á obra de Lois Pereiro, autor homenaxeado no Día das Letras Galegas 2011. Nel, atopamos unha escolma de recursos didácticos como actividades en liña, propostas de traballo para as aulas ou unha fonoteca e unha videoteca.

Premer na imaxe para acceder

DÍA DA NAI

2011-04-26T21:32:00.000+02:00

De nenos cremos que unha nai todo o pode. É o máis parecido a un heroe: protectora, conselleira, auxiliadora... Ofrécenos tranquilidade frente á incerteza, e forza para alcanzarmos os nosos soños; ánimo e consolo cando estes se nos resisten. Mais, ante todo representa o sentimento máis fermoso: dalo todo sen esperar nada a cambio.

Non hai agasallos que compensen esta valiosa aprendizaxe pero si afectos que recoñecen o seu amor incondicional e imprescindible e libros que así o recollen:

- A nai do heroe. Roberto Malo- Francisco Javier Mateos - Marjorie Pourchet

- Tres han de ser. Darabuc - Fátima Afonso

- Nariz de ouro. Raquel Sainz - Juliana Bollini

- Petitusos. Mar Pavón - Joao Vaz de Carvalho

- Pulga e xigante. Serenella Quarello - Maurizio A. C. Quarello

- Croco. Roberto Aliaga - Minako Chiba

- Os sete cabritos. Tareixa Alonso - Teresa Lima

- O día que a mamá se lle puxo cara de teteira. Raquel Saiz-Joao Vaz de C.

- Caixa de cartón. Txabi Arnal - Hassan Amekan

OQO Editora

DÚAS NOVIDADES DA EDITORIAL OQO

2011-04-20T15:23:00.001+02:00

Aquel home chegaba no mellor momento, porque Osiño non tiña ningunhas ganas de quedar na súa cova todo o inverno. Osiño, moi contento, exclamou: —Marcho na procura de aventuras! E foise co músico.

Osiño emprende ilusionado e cheo de expectativas esta aventura que non se trata só dun percorrido espazo-temporal, senón, principalmente, vital. As aventuras de Osiño é unha metáfora da vida, como adoita suceder cos relatos de viaxes.

Ao longo de todo un ano, o protagonista ―e con el, o lector― coñecerá diferentes lugares,descubrirá e afianzará o seu potencial e particular talento, fará novos amigos e, ante todo, cumprirá o seu soño: coñecer o mar.

A cada corda que Zimbo cortaba,

o Monicrequeiro notaba como se rompían

os fíos que tensaban a súa alma.

Hai lazos que se deben romper para que outros ―como os que constrúe o afecto― non rompan nunca. Esta historia emotiva tanto na prosa lírica de Arturo Abad, como nas evocadoras ilustracións de Joanna Concejo mergúllase no doloroso que resulta deixar marchar as persoas que un quere.

Irse e deixar ir nada ten que ver con deixar de querer. Arturo Abad sitúa o lector a ambos os lados do espello e ofrece unha visión ecuánime da situación. Deste xeito, conmove por igual, tanto coa tristeza que lle xera ao boneco de cedro Zimbo a falta de liberdade, como coa aflición que lle provoca ao Monicrequeiro a marcha de quen estima como un fillo e que desexaría que permanecese sempre ao seu carón.

LIÑA DO TEMPO ( I ) DE LOIS PEREIRO

2011-04-16T14:54:00.000+02:00

Aquí temos unha liña do tempo de LOIS PEREIRO ao que vai adicado este ano o día das Letras Galegas.

LIÑA DO TEMPO ( II ) DE LOIS PEREIRO

2011-04-16T14:49:00.002+02:00

Aqui temos outra liña do tempo de LOIS PEREIRO, autor ao que vai adicado este ano o día das Letras Galegas.

WEBQUESTS DÍA DO LIBRO

2011-04-14T23:03:00.001+02:00

Premendo na imaxe pódese acceder a unha recompilación de webquests para o DÍA DO LIBRO.

Concurso de Poesía e Imaxe: "EN GALEGO SEN FILTRO"

2011-04-12T21:01:00.000+02:00

Proximamente estes alumnos asistirán a un acto de entrega dos premios.

Noraboa a Manolo e a Marta!

A COMPAÑIA "MIGALLAS TEATRO" EDITA O LIBRO “UN AVÓ ESPECIAL”, SOBRE A DOENZA DO ALZHEIMER

2011-04-11T21:35:00.000+02:00

O libro “Un avó especial” está baseado na obra teatral do mesmo nome. Conta a relación entre un avó e a súa neta dende que esta nace ata que ten doce anos. O avó arrólaa; cóidaa; ensínalle ditos, cancións, xogos... Co paso do tempo sucédense as risas e os enfados entre os dous pero, un día, o avó comeza a ter moitos despistes e, ademais, cámbialle o carácter.

Á parte da enfermidade, tamén se trata o tema da relación entre os/as nenos/as e os/as vellos/as en xeral así como diferentes modos de educar os rapaces por parte dos membros da familia. Os avós preséntanse como transmisores da sabedoría tradicional e peculiar de cada pobo fronte á uniformidade cultural. Os ditos, os xogos e as cantigas populares son un elemento fundamental nesta transmisión. http://www.migallas.com/

O libro vai dirixido aos nenos e nenas e é de distribución da editorial Kalandraka.

“EL CAMINO DE OLAJ”, DE MARTÍN LEÓN-BARRETO, GAÑA O IV PREMIO INTERNACIONAL COMPOSTELA DE ÁLBUM ILUSTRADO

2011-04-11T21:20:00.000+02:00

A obra titulada “El camino de Olaj”, de Martín León-Barreto Johnson (Montevideo, 1973) é a gañadora do IV Premio Internacional Compostela de Álbum Ilustrado, que convocan o Departamento de Educación do Concello de Santiago e Kalandraka. O traballo titulado “Al otro lado”, de Moisés Yagües Fernández (Murcia, 1972), foi finalista do certame, mentres que “¿Quién quieres ser?”, de Arianna Papini (Florencia, 1965), recibiu a mención especial do xurado.

Obra gañadora: "EL CAMINO DE OLAJ"

Ao IV Premio Internacional Compostela de Álbum Ilustrado presentáronse 374 traballos procedentes de 19 países, a maioría dende España. Tamén optaban ao galardón proxectos enviados de Italia, Portugal, Arxentina, Brasil, Chile, Alemaña, Estados Unidos e Francia. En menos medida, presentáronse candidatos de Ecuador, Holanda, El Salvador, Hungría, Perú, Rumanía, Rusia, Serbia, Suiza e Uruguai.

NOVO DICIONARIO PARA PRIMARIA

2011-04-04T13:34:00.000+02:00

Neste mes de abril, Xerais vai presentar o Dicionario Xerais de Primaria do que son autores Xosé Feixó e Manuel Rodríguez Alonso.

Este dicionario, pensado e redactado para estudantes de 8 a 12 anos, seguindo as directrices da Reforma Educativa, é unha ferramenta de consulta indispensable, sinxela e de calidade, para o alumnado de ensino primario.

2 DE ABRIL, DÍA MUNDIAL DO AUTISMO

2011-04-02T22:18:00.002+02:00

Neste día mundial do autismo queremos facer unha pequena homenaxe:

A vós que tanto nos ensinais,

para que todos os días nós poidamos dicir

que os vemos, os coñecemos e os queremos

Deixade que en abril tamén nos lembremos de vós

NAHONO : Método de lectoescritura

2011-03-28T16:01:00.001+02:00

NAHONO é un método de alfabetización para inmigrantes de lingua árabe, desenvolvido pola profesora Mª Eugenia Gómez André do centro público EPA (Centro de Educación e Promoción de Adultos) con sede no centro penitenciario de Monterroso.

A Consellería de Educación e Ordenación Universitaria, que promove a presente edición do método, ofrece este material ao profesorado de personas adultas de toda a comunidade autónoma que atende alumnado procedente dos países de lengua árabe.

É de carácter gratuito e de fácil descarga: http://www.edu.xunta.es/web/nahono

A escritora GLORIA SÁNCHEZ visita o noso centro

2011-03-25T22:17:00.000+01:00

Hoxe, na nosa biblioteca tivemos outra visita, a escritora GLORIA SÁNCHEZ.

Acudiron ao acto o alumnado do 1º e o do 2º ciclo que xa leran os seus libros: "Fafarraios", "O capitán Ro e o gato bo" "A raíña de Turnedó"

A escritora contounos cousas da súa vida, leunos as súas historias, asinounos os nosos libros...

Nesta presentación tedes todas as imaxes.

Grazas GLORIA por agasallarnos coa túa presenza!

LIBROS DE TEXTO DIXITAIS

2011-03-24T16:15:00.001+01:00

Para o próximo curso 2011-2012, os alumnos do terceiro ciclo do ensino primario (5º e 6º) poden comezar a traballar con material multimedia dos novos libros que desenvolveu Dixital Texto sobre temas diversos: Lingua Española e Literatura, Coñecemento do medio natural , social e cultural e Matemática.

Animacións, recursos audiovisuais, esquemas e mapas interactivos, actividades e exercicios están totalmente contextualizadas no contido, e sempre cumpren unha función didáctica.

Ademais destes libros de "Dixital Texto", tamén podemos contar coa dixitalización que nos ofrecen outras editoriais como Santillana ou Anaya entroutras.

"CAIXA DE CARTÓN" entre os mellores libros infantís do mundo

2011-03-23T16:24:00.000+01:00

CAIXA DE CARTÓN de OQO editora, seleccionado nos White Ravens 2011 entre os mellores libros infantís do mundo.

Este libro forma parte da colección solidaria Qontextos, cuxo primeiro álbum, Fume (Antón Fortes & Joanna Concejo), obtivo esta distinción en 2009.

O álbum de OQO editora Caixa de cartón (Txabi Arnal e Hassan Amekan) foi elixido como un dos mellores libros infantís do mundo pola Internationale Jugendbibliothek de Munich (Alemaña) que o incluíu no seu catálogo The White Ravens 2011. Con estes libros organiza anualmente unha exposición no marco da Feira Internacional do Libro Infantil e Xuvenil de Bolonia, que se celebra do 28 ao 31 de marzo na cidade italiana.

A institución alemá realiza cada ano unha selección dos mellores libros infantís entre os miles que se publican en todo o planeta e aos que outorga esta distinción The White Ravens. A elección de 2011 está conformada por 250 libros infantís e xuvenís en máis de 30 idiomas e procedente duns 50 países.

Os libros distinguidos con White Ravens forman parte dun catálogo en lingua inglesa que inclúe informacións bibliográficas e recensións dos 250 libros e tamén dunha mostra que se exporá na caseta da Internationale Jugendbibliothek na Feira Internacional do Libro Infantil e Xuvenil de Bolonia (29 B56).

Outros LIBROS PREMIADOS EN ESPAÑA son:

- De punta a punta, de José Luis Berenguer (text) e Irene Fra (illus.)

- Palabras envenenadas, de Maite Carranza

- Las Meninas, de Patricia Geis (en la imagen)
- Tuerto, maldito y enamorado, de Rosa HuertasSantos, Care (text)
- Se vende mamá, de Care Santos (text) y Andrés Guerrero (illus.)
- El barranco, de Grassa Toro (text) y Diego Fermín (illus.)
- Fábulas morales de una vez para siempre de Grassa Toro (text) y Meritxell Durán (illus.)
(en catalán)
- He jugat amb els llops (He jugado con lobos), de Gabriel Janer Manila
EN GALEGO
- O pintor do sombreiro de malvas de Marcos Calveiro (text) y Ramón Trigo (illus.)
- Contos para nenos que dormen deseguida de Pinto / Chinto (text/illus.)

22 de marzo: DÍA MUNDIAL DA AUGA

2011-03-22T08:45:00.000+01:00

O 22 de marzo é o DÍA MUNDIAL DA AUGA, ese ben tan preciado que debemos de coidar e protexer. O ser humano non pode precindir da auga, do que depende a súa existencia e supervivencia. Pero, cada vez son máis as voces de alarma sobre a súa preocupante escaseza...

A editorial OQO recoméndanos unha serie de libros para conmemorar esta data, unhas lecturas que se faltase a agua non habería aventura, nin diversión, nin historia...

NAVEGA, CARACOL- Armando Quintero & André Letria

CANTAS PINGAS NA CIDADE - Eva Montanari

PÉTALA - Pep Bruno & Luziano Lozano

A VELLA LULULA - Mar Pavón & Alessandra Cimatoribus

MACARLO DROMEDARIO - Rachel Chaundler & Bernardo Carvalho

O CAZADOR E A BALEA - Paloma Sánchez & Iban Barrenetxea

RATO SOLTEIRO - Paco Liván & Marta Torrao

A SESTA DOS ENORMES - Pep Bruno & Natalie Pudalov

E xa para rematar unha presentación que nos lembra o uso responsable dese ben tan preciado:

A AUGA

DÍA DA POESÍA: Os nosos poetas de 6º

2011-03-21T19:18:00.000+01:00

No DÍA DA POESÍA, o alumnado de 6º recitou poemas de diferentes autores a todo o alumnado do centro. Realizaron 4 sesións en diferentes días: para o alumnado de infantil, primeiro ciclo, segundo ciclo e terceiro ciclo de Primaria.

Noraboa a estes novos poetas porque de verdade, fixéronno moi ben. Aquí tedes as imaxes nesta presentación.

"FAFARRAIOS" Un libro de poemas

2011-03-19T10:11:00.001+01:00

Conxunto de 33 poemas diferentes en tamaño e protagonismo, pero cun denominador común: a comunicación cos primeiros lectores a partir do xogo. Todo ven a vida: desde a capa de ozono a unha pataca frita, á culler, televisión, unha cebola ou un vampiro. É posible que o pombo vaia á escola, unha lura le o xornal no autobús ou o voo das abellas de idade nun avión.

O libro é un intento de recrear a literatura popular entre os nenos coa presenza constante do humor.

Autora: Gloria Sánchez

Ilustracións de Xan López Domínguez

Col. Merlín. Eds. Xerais. Premio Merlín 1990.

21 de marzo, DÍA DA POESÍA

2011-03-18T20:37:00.001+01:00

O luns, día 21 de marzo conmemorase o DÍA DA POESÍA.

Para poder traballar nesta data tan significativa presentamos dúas ligazóns: unha recompilación de webquests sobre a poesía e o acceso ao noso blog de lectura na rede para acceder ás lecturas de poemas.

Premer nas imaxes de abaixo para acceder

Para ler no colo de papa: "ESTE MONSTRUO ME SUENA"

2011-03-18T14:35:00.001+01:00

"ESTE MONSTRUO ME SUENA"

Gabriela Keselman. Ilustraciones de Emilio Urberuaga. LA GALERA.

Uxía está xogando tranquilamente cando de súpeto aparece un monstro que parece querer probar unha nova receita e comelo con pitiños frito. Pero Uxía non ten medo de monstros. E menos este que cre ter visto antes ...

"O EMBIGO DE XANECAS"

2011-03-17T17:22:00.027+01:00

Xanecas tiña catro anos, e coma todos os nenos a esa idade, era moi curioso. O que máis lle gustaba no mundo era explorar, e case cada día facía un descubrimento novo.

Precisamente dunha desas pequenas descubertas cotiás fala esta historia saída da imaxinación de Ramón Aragüés e que comeza un día á hora do baño.

O SEU PAI refregáballe as orellas, os xeonllos, os cóbados e os pés. Para apurar máis, Xanecas fregábase co xabón. De repente, afundíuselle o dedo. Que pasara? Que metera o dedo no embigo! Desta maneira o noso protagonista descubriu que tiña un burato na barriga, pero tan intrigado quedou que desde aquela sempre estaba a preguntar: Pero, por que teño embigo?

Estupendo libro para os máis pequenos e que serve como recoñecemento á figura do pai implicado na educación dos seus fillos.

Máis información premendo na imaxe

"A SESTA DOS ENORMES"

2011-03-16T15:48:00.003+01:00

Novo libro recomendado en conmemoración ao Día do Pai:

"A SESTA DOS ENORMES"

(Pep Bruno- Edit OQO)

Os nenos sempre lacazanean á hora de durmir, sexan da familia dos Enormes, ou dos humanos. Ante estas situacións, un conto é o mellor aliado.

"Os Enormes foron pasar o día na praia. Saltaron as ondas, fixeron castelos de area, buscaron cunchas e xogaron co papaventos. Cando chegou a hora da comida, os cinco sentaron baixo o parasol e, nun abrir e cerrar de ollos, devoraron os bocadillos. Entón Papá dixo: —Agora imos durmir a sesta.
Grande, Mediano e Pequeno deitáronse nas toallas.

Pequeno queixouse: —Non podemos durmir se non nos contas un conto"

"A VISITA DOS DOMINGOS

2011-03-15T21:11:00.003+01:00

Seguimos recomendado libros para o día do pai. Neste caso o libro "A visita dos domingos" libro que xa recomendáramos noutra ocasión para combater os medos infantís.

Este conto enxalza a importancia da implicación dos pais para potenciar e alimentar a imaxinación dos nenos, tan necesaria para a creatividade tanto de pequenos como de adultos.

"Pola noitiña volvemos á casa. Seguro que mamá está preparando a cea. Entramos nas puntas dos pés, para non facer ruído ningún.
―AAAI! Por que me metedes estes sustos? Sodes uns monstros!

―Mamá! Os monstros temos que asustar! Todo o mundo o sabe!"

19 DE MARZO, DÍA DO PAI

2011-03-14T16:22:00.002+01:00

Dada a proximidade da celebración do día do pai, comezamos a semana facendo unha conmemoración a todos nosos pais.

A maioría dos países contan no seu calendario cun día de recoñecemento á figura do pai, implicado na educación dos seus fillos, cos que comparte non so lecer, senón preocupacións, anhelos, perdas e ilusións.

Durante esta semana imos ir recomendando cada día un libro no que a figura do pai como coeducador dos fillos xoga un papel moi importante.

O libro de hoxe é O TREN de Silvia Santirosi & Chiara Carrer (editorial OQO).

En O tren, a pequena protagonista debe facer fronte á terrible perda da súa nai. O pai recorre a un relato para axudar a entender un feito tan doloroso como natural.

Como podo dicirche que as persoas que queremos morren, nos deixa e se van? Como podo dicirche que o amor e a alegría forman parte da vida igual que a dor e a tristeza? (...) Como podo dicirche todo isto, miña nena?

Entón cóntoche unha historia.....

HORA DE LER - EDUCACIÓN PARA A IGUALDADE

2011-03-14T14:28:00.011+01:00

Moitas das tarefas domésticas son actividades universais, en todo o mundo hai que facelas: poñer a mesa, pasar o ferro,aspirar...

Pero…

TEN QUE ASUMIR TODA A RESPONSABILIDADE DO TRABALLO DOMÉSTICO A MULLER?

Sandra, André Sivia e Jaime, alumnos de 2º, len na clase de 5º este poema como se dun conto se tratara, superando todas as dificultades que a aprendizaxe da lectura supón para eles, e explicándolles ao remate da lectura a importancia que ten compartir estas tarefas entre todos os que viven na mesma casa.

COOPERANDO, COMPARTINDO EXPERIENCIAS, GAÑAMOS TODOS!

Noraboa a todos, os que len e os que fixeron unha escoita activa!

E como non, aquí tedes o poema

OS GATOS

View more presentations or Upload your own.

ENTROIDO 2011

2011-03-13T10:57:00.000+01:00

Ainda que con un pouco de retraso aqui tedes a celebración do noso entroido. Vedes o noso MECO? Pois el mandaba e nós obedeciamos.

Comezamos a nosa celebración do entroido toda a semana ata o xoves cos mandados: que si un lazo ou gravata, que si unha flor, que si unha perruca, que si un nariz... e acabamos todos convertidos nuns pallasos. Foi moi divertido!

E o venres foi o gran día da celebración. Houbo desfile de disfraces, degustación de productos típico e baile. Pasámolo moi ben. Pero mellor aquí tedes todas as imaxes. Son moitas pero merecen a pena!!!

SEMANA DA PRENSA NA ESCOLA

2011-03-10T16:41:00.002+01:00

Para traballar a SEMANA DA PRENSA NA ESCOLA premendo na imaxe accedemos a unha pequena recompilación de websquests sobre a prensa.

E como non outro ligazón para acceder á lectura de todos os xornais.

8 de marzo día da MULLER TRABALLADORA

2011-03-10T13:33:00.000+01:00

Neste día tan especial de conmemoración á MULLER TRABALLADORA, nada mellor que un vídeo representativo de lembranza a esas mulleres que traballaron para acadar unha vida mellor de toda a humanidade:

E agora, nesta data tan sinalada, unha pequena dedicatoria para todas as mulleres

"A vosotras, que siempre tenéis un minuto para solucionar cosas

Para todas aquellas que, sin descanso, llevan sin agenda su vida en orden

A esas valientes que cada día se “tiran” de su cama…

Y que cada noche se dejan caer mientras dan cita a los asuntos de mañana.

En días añoramos esa valoración extra, que alguien siempre olvida

En la almohada, en el teclado, en un bar, en las botas de algún Messi…

Saberos poseedoras de ese don que todo lo lleva, y lo puede

Repletas de fuerza, voluntad, inteligencia y por supuesto… belleza.

Mujeres, en una palabra… trabajadoras añaden ahora

Veinte siglos para que se nos reconociera como aquello que siempre fuimos.

No dejéis nunca de pensar cuán necesaria es vuestra existencia".

NOVA PUBLICACIÓN DA NOSA REVISTA ESCOLAR

2011-03-02T19:44:00.000+01:00

Xa está publicado o último número da nosa revista escolar "MAREIRIÑA" con artigos moi interesantes e aportacións dos distintos cursos.

A nosa revista escolar, "MAREIRIÑA" nace, aló polo ano 2003, da mán dun obradoiro de prensa levado a cabo no terceiro ciclo de Primaria. Dende aquela, todos os cursos publícanse varias edicións.

Premer na imaxe para vela a páxina completa

THE HUMAN BODY (Inglés para 3º ciclo de Primaria)

2011-02-28T20:26:00.000+01:00

The human boby es un recurso interactivo moi completo para que o alumnado do 3º ciclo de primaria traballe a aprendizaxe das distintas partes do corpo humano e os sentidos en inglés.
Este recurso foi elaborado por la Junta de Comunidades de Castilla la Mancha.

RECURSOS EDUCATIVOS "LOLA PIRINDOLA"

2011-02-27T11:07:00.000+01:00

Páxina con recursos curriculares para Infantil y Primaria y cuentos personalizados para ocasiones especiales: cumpleaños, día del Padre…

Presenta un buscador no que se poden atopar cantidade de recursos.

Para acceder premer na imaxe.

"A IGUALDADE CONTA"

2011-02-26T21:34:00.000+01:00

"A igualdade conta" é unha colección de contos infantís da editorial Embora con contidos coeducativos e transversais. O seu obxectivo é consolidar prácticas educativas que rompan coa barreira de xénero e coa xerarquización dos estereotipos e roles asignados arbitrariamente a un ou outro xénero.

Na imaxe temos tres libros desa colección recomendados para os máis pequenos.

COMEZAMOS CO ENTROIDO...

2011-02-26T14:40:00.003+01:00

"UNHA HISTORIA DE AMOR IMPOSIBLE", un cómic de fraccións

2011-02-25T15:35:00.000+01:00

As matemáticas tamén son para ler. Aquí presentamos un estupendo cómic a partir lo cal se pode traballar o concepto de fraccións e a súa transformación a común denominador.

Quen dixo que a lectura era so para a área de lingua?

DÍA DE ROSALÍA

2011-02-23T17:48:00.000+01:00

Mañá, día 24 de febreiro é o Día de Rosalía, data instituída en coincidencia co día do seu nacemento para lembrar á nosa escritora.

Para lembrar esta data, a Asociación de Escritores e Escritoras en Lingua Galega (AELG) anímanos a participar na lectura pública de textos de Rosalía en diversas vilas e cidades galegas.

Os lugares en que se realizará a lectura pública de textos de Rosalía son os seguintes:

1. Santiago de Compostela, Panteón de Galegos/as Ilustres, San Domingos de Bonaval, 18.45 horas

2. A Coruña: Kiosko Alfonso, 19 horas
3. Vigo: Casa Galega da Cultura, 20 horas
4. Lugo: Museo Provincial, 19.30 horas.
5. Betanzos: Salón azul do Edificio do Liceo, 20 horas.
6. Ferrol: Galería Sargadelos, 19.00 horas
7. Ourense: Libraría Torga, 18.00 horas.
8. Pontevedra: Libraría Michelena: 20.00.

ANIMÁDEOS A PARTICIPAR!

A VISITA DOS DOMINGOS

2011-02-22T18:34:00.000+01:00

Novo libro da editorial OQO de Matteo Gubellini que enxalza a importancia da implicación dos pais para potenciar e a imaxinación dos nenos, tan necesaria para a creatividade tanto de pequenos como de adultos.

O conto trata dun mostro que visita cada domingo ao protagonista pero que está presentado de tal xeito que inspira simpatía, complicidade e afecto o que converte a esta historia nun bo instrumento para axudar a superar os medos infantís.

"A xente ten medo dos nosos gruñidos, e só os máis valentes se atreven a achegarse. Pasamos horas xogando no parque. (…) Imos na procura de tesouros: facemos buratos na area, remexemos entre a herba… E sempre hai sorpresas!"

O ESCRITOR GONZALO MOURE VISITOU O NOSO CENTRO

2011-02-21T22:11:00.000+01:00

Os rapaces de 5º e 6º de primaria tiveron o privilexio de gozar coa presenza de Gonzalo Moure.

O acto tivo lugar na nosa biblioteca e os nenos e nenas fixeronlle moitas preguntas sobre os libros lidos: "Los caballos de mi tío" (5º de Primaria) e "Palabras de Caramelo " (6º de Primaria). Ao remate do acto o autor asinoulles aos nenos os seus libros escribíndolles unha adicatoria persoal a cada un deles. O centro agasallou ao escritor cuns libros e un cadro coa insignia do centro. Os nenos e nenas fixéronlle uns marcapáxinas con flores e asinados por cada unha das clases.

O acto foi todo un éxito.

Todos estiveron moi atentos e disfrutaron coa presenza do autor.

Aquí está o vídeo

Na web "ENCONTROS CON..." pódese atopar máis información do autor e a súa visita ao noso centro

WEBQUESTS PARA O ENTROIDO

2011-02-20T21:52:00.000+01:00

Premendo na imaxe pódese acceder a unha recompilación de webquests para o entroido.

SESIÓN DE CONTACONTOS

2011-02-20T21:45:00.000+01:00

A editorial Kalandraka agasallou ao noso alumnado cunha sesión de contacontos na que da man de Patricia e de Alex que poñía a música, podemos disfrutar de fermosos contos como "Unha parella diferente", "un gran soño"..

Mirade o vídeo

Máis información e imaxes na nosa web

RECURSOS POR NIVEIS

2011-02-15T23:10:00.001+01:00

O grupo das TIC do noso centro recopilou unha serie de actividades interactivas clasificadas por niveis e por editoriais que poden servir como reforzo ou ampliación e que podedes atopar na nosa web premendo na imaxe:

PARCHIS ORTOGRÁFICO

2011-02-14T15:45:00.001+01:00

Parchís ortográfico interactivo para primaria con repaso das principais regras de ortografía e práctica con xogos interactivos.

Para acceder premer na imaxe.

GALEGO PARA DOCENTES

2011-02-13T15:20:00.000+01:00

Estupenda web realizada por Xosé Antón Vicente Rodríguez con cantidade de ferramentas para a aula: tradutores, dicionarios, cursos, manuais, actividades interactivas...

Premer na imaxe para acceder.

RECURSOS EDUCATIVOS PARA MESTRES

2011-02-13T15:11:00.000+01:00

Estupenda web con cantidade de ligazóns con recursos educativos para mestres clasificados en diferentes bloques.
Premer na imaxe para acceder.

EL HUMOR EN LA ÓPERA

2011-02-09T19:29:00.000+01:00

Onte fomos de excursión! Onde? Nada máis e nada menos que á ópera.... Si, Á ÓPERA!

O alumnado do terceiro ciclo de primaria foi ao teatro Jofre de Ferrol a disfrutar do "HUMOR NA ÓPERA" unha selección das pezas máis espectaculares de catro óperas que representaban o cómico da historia da música:

- "Así hacen todas" de Morzart

- "El barbero de Sevilla" de Rossini

- "El elixir del amor" de Donizetti

- "La Traviata" de Verdi

Un divertido e entretido espectáculo didáctico-musical da "CAMERATA LÍRICA DE ESPAÑA" dirixida por "Rodolfo Albero" na que no só disfrutaron os nenos e nenas senón tamén as mestras.

Neste vídeo podedes ver unhas imaxes da actuación.
Acompaña o vídeo a obra "El Barbero de Sevilla" de Rossini

MÁQUINA DE FACER CONTOS

2011-02-09T17:54:00.000+01:00

Mergullando, mergullando pola rede atopamos...

UNHA MÁQUINA PARA FACER CONTOS!...

Premede na imaxe, deixame voar a vosa imaxinación e... convertiros en pequenos grandes artistas!

MAMÁ CABRA EN CONCERTO

2011-02-07T17:39:00.000+01:00

Ola, ola, la! é unha aposta musical para quen lle gusta a electricidade máis rítmica a dar voltas polo corpo. A través das melodías do grupo infantil Mamá Cabra e coa axuda dun DVD-Karaoke, os nenos e nenas aprenderán a cantar as cancións coma se formasen parte da banda.

Polo medio, un sorprendente conto de Gloria Sánchez, ilustrado por Kristina Sabaite. A forza da música en directo completa unha aposta que leva a música como gozo delicioso por toda a casa, no coche... onde se queira!

Os temas son inéditos e para gravalos contaron cun coro dirixido por Ramón Bermejo e con colaboracións como a de Sèrgio Tannus (pandeiro brasileño e cavaquinho) e a de Gende Beat e as súas percusións vocais. Está publicado na Editorial galaxia.

O día 13 de febreiro farán a súa actuación ás 18 h no Teatro Jofre de Ferrol. A entrada é gratuíta. Para confirmar a entrada cómpre chamar ao 981 944 245.

"A APRENDIZAXE DE BETSY"

2011-02-05T21:24:00.000+01:00

"A Aprendizaxe de Betsy" de Dorothy Canfield Fisher (Triqueta verde) é un libro para nenos e nenas a partir de 8-9 anos que engade nas súas letras, o método pedagóxico Montessori para unha mellor aprendizaxe e comprensión lectora.

A historia conta como unha nena de 9 anos, Elizabeth Ann, é orfa e debe continuar a súa vida tralo cambio que acontece cando a mandan dende a cidade á granxa de Vermont. Na súa nova vida rural, Elizabeth Ann acaba por ser chamada Betsy, e atopa ademais moitas actividades para pasar o dia: ir á clase, cociñar, face-las tarefas da casa....

Xa entende que pode facer cousas por sí mesma. Unha ensinanza moi pracenteira.

MÁIS LIBROS PARA O DÍA DOS NAMORADOS

2011-02-02T13:42:00.000+01:00

UN SEGREDO DO BOSQUE. Javier Sobrino & Elena Odriozola
Esquío baixou a mirada
e quixo regalarlle lirios
pero alí non había;
quixo mostrarlle a lúa,
pero falta moito para a noite;
quixo ouvear pero non sabía:
....

CHUZOS DE PUNTA. Raquel Saiz & Maja Celija
Hai veces
en que as leis da natureza non funcionan.
Hai días
en que o amor cae do ceo.

A VODA DE GALO PINTO. Juan A. Belmontes & Natalie Pudalov
Pero a raposa da matogueira andaba triste.
Cada tarde,
ao ver a Xiana lavar o pelo na fonte,
esquecía o nome e a fame.

VICHES O LEÓN? Armando Quintero & Géraldine Alibeu
“Querido león:
Meu pai di que serás unha boa parella.
Quen intenta subir a Lúa ou está namorado ou toleou.
Non paga a pena que o fagas.”

TRES HAN DE SER. Darabuc & Fátima Afonso
Pasaron os anos e un día foille dicir a súa nai que namorara e quería casar.
— E quen é o afortunado?-quixo saber a nai-
— Dos teus tres amigos, quen é o elixido:
Fausto, Lázaro ou Ícaro?
— Os tres nai!

LIBROS PARA FESTEXAR O DÍA DOS NAMORADOS

2011-02-01T22:53:00.000+01:00

Rematamos coa celebración da Paz e xa estamos a argallar...

Agarimo, amor, namorarse...palabras moi queridas que nos serven para presentar ....
O DÍA DOS NAMORADOS!

Aquí tedes unha serie de libros para festexar esta data:

"RATO SOLTEIRO". Paco Liván & Marta Torrão
(...) estaba a piques de pillala,
faltáballe un chisco,
ela tirouse ao río.
aos ratos non lles gusta nada a auga
pero este pensou:
mollarse por unha boa causa,
paga á pena.
E tamén se botou ao río!

GASPAR O PASTOR DE LEBRES. Paco Liván & Lucie Müllerová
Disimulando a alegría,
a princesa sorriu cando Gaspar,
timidamente,
lle declarou o seu amor.

TALLER DE CORAZÓNS. Arturo Abad & Gabriel Pacheco
Beatriz non sabe que,
en cada corazón que fabrica,
Matías agocha
un anaquiño do seu.

SAL E AZUCRE. Iván Prieto
Na casa vivín unha velliña toda de sal
e un velliño todo todo de azucre.
Uns días queríanse moito
e outros non paraban de discutir.

SÍGUEME (Unha historia de amor). José Campanari ; Roger Olmos
O elefante nin lento
nin preguizoso
(porque estaba moi namorado)
meteuse no caracol
(primeiro a trompa e logo o demais).
E, dando voltas e máis voltas,
chegou até o fondo,
onde estaba a esperalo
aquela formiga negra

TRES DESEXOS. Eva Mejuto & Gabriel Pacheco
O vello pensou que as riquezas nada valían
se a muller estaba a morrer de pena.
— Pois...
eu o que máis desexo...
é verte feliz sen chourizo no nariz!

TITIRITESA. Xerardo Quintiá & Maurizio A. C. Quarello
— Que ben cheiras…!-Murmurou Titiritesa.
— E colonia de azucre –dixo Wendolina.
Entón sentiron un airiño trangalleiro
que lles fixo cóxegas no pensamento.

CELEBRACIÓN DO DÍA DA PAZ

2011-02-01T22:32:00.000+01:00

Comezamos o día coa proxección dunha película no cine Dúplex sobre a Paz: "Regreso al Pasado"
Cando voltamos do cine fixemos o acto no patio do colexio. Cada curso leu e colocou o seu desexo de Paz na árbore dos desexos.
Rematamos coa cantiga "Que canten los niños" de José Luis Perales.

Mirade as imaxes:

Celebración DO Día DA Paz 2011 Slideshow: CEIP’s trip to Ferrol (near Naron), Galicia, Spain was created by TripAdvisor. See another Naron slideshow. Create your own stunning slideshow with our free photo slideshow maker.

Máis información sobre o día da Paz na nosa web

GUÍA DE LECTURA PARA A PAZ

2011-01-27T21:44:00.000+01:00

Temos unha nova guía de lectura!

O grupo da Biblioteca, en colaboración co grupo das TIC editou unha nova guía para a Paz.

Aquí a tedes:

Podedes atopar a nosa recompilación de guías editadas premendo na seguinte imaxe:

CONTACONTOS "O PAIS DOS MANDÓNS"

2011-01-24T21:17:00.000+01:00

Os días 8 e 9 de febreiro de 2011, organizadas polo Concello de Ferrol, terán lugar unhas sesións de contacontos dirixidas a nenos de 4 a 8 anos e de 8 a 12 anos, que serán gratuitas:

As solicitudes deberán ser dirixidas por por email ou fax

- Dirección correo electrónico: asuntos-sociais@ferrol.es

- Nº de fax: 981 944 237.

O país dos mandóns forma parte xunto con "O segredo de Flora" e "A urna dos desexos" da colección "A IGUALDADE CONTA" estupenda colección para traballar o tema da Paz.

Este é o seu argumento:"No país dos mandóns uns cantos mandan sobre o resto e non permiten que as nenas, as mamás ou as avoas xoguen, saian ou traballen fóra da casa. O cambio desas normas tan inxustas para crear un novo país da igualdade conmemórase o día internacional das mulleres"

O PARRULIÑO FEO

2011-01-22T22:14:00.000+01:00

Continuando co noso proxecto da biblioteca "Valores arredor dos autores" presentamos o conto do "Parruliño feo" para traballar o valor deste trimestre: "O respecto ás diferenzas".

O acto coma sempre foi todo un éxito. Todos disfrutamos coa presentación pero esta vez especialmente, xa que, o Peraliño, a nosa mascota da biblioteca, troúxonos un invitado especial: UN PARRULIÑO... SI, UN PARRULIÑO... pero de VERDADE! Todos querían velo, tocalo...

Mirade, mirade as imaxes...

E para disfrutar coa lectura aqui tedes o CONTO EN PICTOGRAMAS

Todo sobre o proxecto do "Parruliño feo" na nosa web

RECOMPILACIÓN DE RECURSOS PARA A PAZ

2011-01-21T15:57:00.001+01:00

O grupo das TICs do CEIP ISAAC PERAL, en colaboración co depertamento de Orientación e o grupo de Convivenica, elaborou unha recompilación de recursos, presentacións, actividades interactivas, xogos, manualidades, debuxos... para a conmemoración do día da Paz e non violencia.

Para acceder hai que premer na imaxe.

WEBQUEST PARA A PAZ

2011-01-19T23:20:00.000+01:00

O grupo das TIC do noso centro, en colaboración co grupo de Convivencia e con Orientación, fixo unha recompilación de webquest para a Paz ao que podedes acceder premendo na imaxe.

DÍA DA PAZ

2011-01-12T16:23:00.000+01:00

Como ven sendo habitual desde hai 25 anos, o Seminario Galego de Educación para a Paz, fai un chamamento ao profesorado e á comunidade educativa para que celebre nos colexios e institutos esta efeméride con actividades diversas e axeitadas aos distintos niveis do ensino, iniciciativas de aula e colectivas, proxectos de solidariedade, exposicións, xogos e dinámicas, representacións, proxeccións, comentarios, debates, actuacións musicais, manifestos,intercambios escolares, etc.

Se se preme na imaxe accederase a unha serie de ligazóns con todos eses materiais.

OS REIS MAGOS CHEGARON AO NOSO COLE!

2010-12-26T21:18:00.000+01:00

Por fin temos as imaxes da visita dos Reis Magos ao noso cole. Ledicia, sorpresa, asombro... reflectían as caras dos nosos alumnos e alumnas.

O NOSO BELÉN

2010-12-24T19:18:00.000+01:00

Como todos os anos, na entrada do noso cole, montamos un Belén con figuras en movimento dirixido por Maribel e en colaboración con pais de antigos alumnos nosos e do noso conserxe.

Moitas gracias a todos vós que fixechedes posible a realización deste Belén.

FELICES FESTAS 2010

2010-12-24T16:52:00.000+01:00

A COMUNIDADE EDUCATIVA DO CEIP ISAAC PERAL DESÉXAVOS FELICES FESTAS!!!

O APALPADOR NO ISAAC PERAL

2010-12-23T19:49:00.001+01:00

O apalpador é un xigante de oficio carboeiro que vive nas devesas das terras dos Ancares, Caurel e Trives.

Na noite do Nadal baixa ás aldeas para achegarse aos nenos e nenas mentres están durmidos. Coidadosamente apálpalles as barrigas para ver se están ben mantidos. Logo de desaxarlles que no vindeiro ano non pasen fame, marcha deixándolles un feixe de castañas ben quentiñas…

...E O APALPADOR CHEGOU O MARTES 21 AO ISAAC PERAL...

Aquí podedes ver uns vídeos con imaxes do Apalpador no Isaac Peral e de debuxos feitos polos nosos nenos e nenas.

E sabedes que? Os Reis tamén estiveron no noso cole... Proximamente estarán as imaxes listas!

ESTE NADAL, REGALA UN LIBRO... O TEU LIBRO!

2010-12-20T19:42:00.000+01:00

Con este título tan suxerente elaboramos unha nova guía de lecturas de nadal para recomendar un libro coma o mellor agasallo que podemos facer nestas datas.

BOAS E FELICES LECTURAS!!!